Prokuroria e Krimeve të Rënda kërkon të dënohen me burgim të përjetshëm, të paktën 3 nga anëtarët e grupit të zjarrit në Lazarat, ku mbeti i vrarë efektivi i RENEA-s Ibrahim Basha.
Në pretencën e dhënë nga organi i Akuzës në seancën e kësaj të mërkure, Krimet e Rënda kanë kërkuar burg përjetë për Arbion Alikon, Bajram e Elvis Bocia.
Ndërkohë që për anëtarët e tjerë të bandës është kërkuar një dënim në total prej 118 vitesh burg për të akuzuarit.
Konkretisht, Prokuroria e Krimeve të Rënda kërkon të dënohen:
Alban Aliko 17.5 vite burg
Elson Kazma 17.5 vite burg
Xhuljo Malo 10 vite burg
Klodian Selimi 10 vite burg
Oltian Proko 9 vite burg
Dervish Gaba 18 vite burg
Ruhan Hiraj 18 vite burg
Iliaz Dervishaj 18 vite burg
Efektivi Basha mbeti i vrarë në aksionin e policisë në Lazarat në Qershor të vitit 2015, gjatë shkëmbimit të zjarrit mes trafikantëve dhe forcave të rendit.
